Skaðabótaréttur og tjónamál

Slys, munatjón og önnur atvik sem leiða til tjóns geta valdið óvissu um réttindi og möguleika til bóta. Ég veiti fræðandi aðstoð við að greina hvort tilefni sé til frekari athugunar á bótarétti, auk þess sem ég get aðstoðað við skráningu tjónstilkynninga til tryggingafélaga. Aðstoðin beinist fyrst og fremst að því að veita yfirsýn yfir helstu atriði sem einstaklingar þurfa að huga að í tengslum við tjón, t.d. vegna líkamsmeiðsla eða munatjóns.

Samningaréttur

Samningar eru undirstaða viðskipta og samskipta í daglegu lífi. Ég veiti almennar leiðbeiningar um túlkun á samningsákvæðum, mögulegum áhrifum samningsbrota og hvað beri að hafa í huga ef upp kemur ágreiningur um efndir eða riftun. Slík aðstoð getur verið gagnleg sem fyrsta skref áður en leitað er til lögfræðings.

Eignaréttur og nábýlisdeilur

Ég veiti fræðandi ráðgjöf um eignarétt og helstu reglur sem gilda um sameignir, nábýli og aðrar takmarkanir á nýtingu fasteigna.

Skattaréttur – útskýringar og leiðbeiningar

Skattamál geta verið flókin og valdið óöryggi. Ég veiti almennar útskýringar á skattareglum sem varða einstaklinga, svo sem um skattskyldu og helstu viðmið skattyfirvalda. Athugið að þessi aðstoð nær ekki til virðisaukaskatts né viðkvæmra eða sérhæfðra málaflokka sem varða fyrirtæki eða atvinnurekstur.

Hvert á að leita?

Margir velta því fyrir sér hvert skuli leita þegar mál snerta tjón, tryggingar, nágrannaágreining eða samskipti við stofnanir. Ég veiti aðstoð við að greina hvar hægt sé að nálgast frekari upplýsingar eða rétta aðila, hvort sem um ræðir stjórnvöld, tryggingafélög eða lögfræðinga.

Hafðu samband

Ef þú þarft leiðbeiningar eða vilt fræðslu, er fyrsta skrefið að fá skýra og heiðarlega innsýn í stöðu þína. Þjónustan mín byggir á því að útskýra flókin atriði á mannamáli.

Athugið: Þjónustan sem veitt er fellur undir skilmála sem afmarka eðli, umfang og takmarkanir aðstoðarinnar. Þeir skilmálar eru aðgengilegir á vefnum og eru hluti af öllum samskiptum og ráðgjöf.